МОЛИТВА

ко пресвятой Богородице

пред иконою ее, именуемой

ПРИБАВЛЕНИЕ УМА

Царице моя Преблагая, Надеждо моя Богородице, приятелище сирым и странным заступнице, бедствующих помоще и озлобляемых покрове, зриши мою напасть, зриши мою скорбь: отовсюду искушением одержим есмь, а заступающаго несть.

Ты убо Сама помози ми яко немощну, окорми мя яко странна, настави яко заблудша, уврачуй и спаси яко безнадежна. Не имамы иныя помощи, не имамы иныя надежды, разве Тебе, Владычице, Ты на помози, на Тебе надеемся и Тобою хвалимся, Твои бо есмы раби, да не постыдимся.

Под Твою милость прибегаем, Богородице Дево, молений наших не презри в скорбех, но от бед избави нас, Едина чистая и благословенная. Аминь